top of page

Dinaledi

Writer: CAFTA Co. WriterCAFTA Co. Writer

Written by: Oratile Ndimande

 

Bagaetsho, bothata ga se koo, ke kwano.

Ke latlhegetswe ke Dinaledi.

Ke gorile letsatsi le tlhabile mme Dinaledi o tsamaile

Ga dinale ka koo, ga di ka kwano.


Ka tlhola, ka rapela, ka robala, ka tsoga

Mme dinaledi ga di sa phatsima

Sala a tsamaile go tloga maabane bosigo…

Gantsi mosetsana o itlwaeditse go tsamaya bosigo

A lelala, a leba dinaledi, ka leina la gagwe e le Dinaledi


La bofelo ga a mmona, Dinaledi o ne a ngadile

RaDinaledi, mo konopa ka mafoko a tlhabang jaaka dithipa

Dinaledi le ena, a konopa tsa gagwe. Ya re a fetsa, a tswa a tsamaya

Sala a tsamaile go tloga maabane bosigo…


Bagaetsho, bothata ga se koo, ke kwano.

Ke latlhegetswe ke Dinaledi.

Ga ke sa itsi gore ke dira eng gape

Ga ja tlhogo fa ke re jana

Ke apeile pherere, mme ga ke je monate


Ke tla tsamaya lefelo le lotlhe.

Ke kokotela mabati a otlhe.

Ke tla phuruphutsa maru le naga

Ke tla batla, Ke tla tlhola. Ke tla tlola.

Go fitlha Dinaledi di re twaa mo loaping.

コメント


Post: Blog2_Post

Subscribe Form

Thanks for submitting!

0608858159

©2020 by Create Awareness For The Arts Company. Proudly created with Wix.com

bottom of page